Avdelingsingeniør bygg/Prosjektleiar

Region(er): Sogn og Fjordane
Yrkeskategori(er): Teknikk Sivilingeniøryrker Kommune/Offentlig Ingeniør Høgskoleingeniøryrker Bygg og anlegg

Hyllestad kommune ligg i ytre Sogn – sentralt mellom byane Førde og Bergen (ca 1 time med bil frå Førde og 2 timar frå Bergen). Her hjå oss kan du rusle langs vasskanten eller bestige høge fjell som t.d. Lihesten. Her er gode jakt og fiskevilkår. Fritidsaktivitetar kan du drive på eiga hand eller gjennom organisasjonar som m.a. idrettslaget (biljard, bogeskyting, fotball m.m.), kulturskule, kor, skyttarlag, 4H, Røde Kors, musikklag, ungdomslag/teaterlag- og bygdelag.  Kommunen har om lag 1.500 innbyggjarar som ventar på deg og dine.

Me har ledig 100 % fast stilling som ingeniør/prosjektleiar frå 1.8.2012 eller etter nærare avtale.

Arbeidsoppgåver
Me har arbeidsoppgåver knytt til matrikkellova, kart/GIS og oppmåling, arealplanlegging (reguleringsplanar) og byggesaker.  Brannsjef-funksjonen kan òg leggast til stillinga.

I tillegg til dette har vi prosjekt (planlegging, prosjektering, byggeleiing) knytta til VA (vatn/avlaup) og kommunale bygg (skule/barnehage).  Det kan nemnast at kommunen står framfor store vassverkutbyggingar.

Desse arbeidsoppgåvene kan drøftast nærare ut frå di utdanning, kvalifikasjonar og ønskje.

Kvalifikasjonar for stillinga
Me søkjer etter deg med relevant høgare utdanning, ev. teknisk fagskule innan etterspurde fagområde.  Søkjarar med lang relevant erfaring kan òg vere aktuelle for stillinga.  Gode IT-kunnskapar og kjennskap til bruk av GIS i plan- og prosjektarbeid er ein fordel.

Du må kunne jobbe både i team og sjølvstendig, samt vere strukturert.  Det er viktig å vere fleksibel og ha evne til å skape gode relasjonar både til brukarar og kollegaer.

Hyllestad kommune kan tilby
Ein interessant og utviklande jobb i eit triveleg arbeidsmiljø og gode samarbeidsforhold.  Tilsetting på vanlege kommunale vilkår.  Medlemsskap i ei av Noregs beste pensjonskassar; KLP.

Nærare opplysningar om stillinga får du hos plan- og utviklingssjef Kjell Eide, tlf. 57789548 eller 99271900 - eller hos personalsjef Elin Garnes Solås, tlf. 57789504.

Hyllestad kommune ønskjer helst å motta digitale søknader, søknadsskjema finn du på heimesida vår under menypunktet Sjølvbetjening. Merk din søknad med ingeniorstillinger.no

Me gjer merksam på at namn på søkjar kan verte offentleggjort, sjølv om søkjar har bede om ikkje å bli oppført på offentleg søkjarliste, jf. offentleglova § 25.  Du vil å så fall verte kontakta på førehand.

Søknadsfrist:
4.3.2012

Me ser fram til din søknad!